Haqani
"حقاني" رحلة عدالة مستمرة، حقاني هي منصة للناس تحكي فيها قصصها الحقيقية، قصص ملهمة و مثابرة تُبين كيف اجتازت الناس التحديات في وجه الانتهاكات الجسيمة لحقوق الانسان في ليبيا. هنسمعوا فيها قصص حقيقية بأصوات اصحابها الحقيقيين. في كل موسم هناقشوا قصة مختلفة و انتهاكات مختلفة. وفي كل موسم من هذا البودكاست قصة ملهمة في مقاومة القمع وتحقيق العدالة المرجوة.
Meaning both “truthful” and “just,” Haqani looks at injustice in Libya through the prism of real stories told by the people who lived them. Haqani is a space for those who have triumphed over oppression to speak about their experiences. Each season will shed light on a new story as we discuss the law and how to pursue justice and accountability.
Haqani
03: “ليش مسافرة بروحك؟”
حلقة اليوم مختلفة شوية وفيها تفاصيل ماحدش تناولهم من قبل. حنحكو فيها مع ناشطتين ملهمات: شهد وأمل. بنتين ليبيات، حقوقيات وناشطات في المجتمع المدني الليبي.. حيحكولنا على كواليس العمل المدني للمرأة في ليبيا والتحديات الي مالهنش نهاية..
الحلقة حتتناول مواضيع وزوايا عديدة، منها العمل المدني بصفة عامة، نظرة المجتمع السلبية للحقوقيات والناشطات، الضغط الي يسير على العائلات الداعمة من البيئة المحيطة من أهل وأقارب وحتسلط الضوء على القيود المفروضة على حرية التنقل والسفر للبنات، وحيقولولنا شهد وأمل على تجاربهم في كل مرة يسافروا فيها بدون محرم من أسئلة، نظرات، مضايقات ومعاملة تمييزية، سيئة وجارحة بس لأنهم ببساطة سافروا بدون محرم.
شهد وأمل مستمرات بالرغم من التحديات والإحباط والظروف السيئة عشان يشتغلن على نفسهن والقضايا الي يؤمنن بيهن باش يحدثو التأثير والتغيير الي يتمنوا يحققوه ويشوفوه في البلاد والمجتمع.
لو استمتعت بحلقتنا شاركها وخلي تقييم على المنصة الي سمعتنا بيها!
حقاني هو من انتاج منظمة محامون من أجل العدالة في ليبيا، تقدر اتابعنا على صفحات السوشيال ميديا على كل ما يلي:
الفيسبوك LibyanJustice
إنستغرام LibyanJustice