Haqani
"حقاني" رحلة عدالة مستمرة، حقاني هي منصة للناس تحكي فيها قصصها الحقيقية، قصص ملهمة و مثابرة تُبين كيف اجتازت الناس التحديات في وجه الانتهاكات الجسيمة لحقوق الانسان في ليبيا. هنسمعوا فيها قصص حقيقية بأصوات اصحابها الحقيقيين. في كل موسم هناقشوا قصة مختلفة و انتهاكات مختلفة. وفي كل موسم من هذا البودكاست قصة ملهمة في مقاومة القمع وتحقيق العدالة المرجوة.
Meaning both “truthful” and “just,” Haqani looks at injustice in Libya through the prism of real stories told by the people who lived them. Haqani is a space for those who have triumphed over oppression to speak about their experiences. Each season will shed light on a new story as we discuss the law and how to pursue justice and accountability.
Haqani
04: “ماحدش حياخذلك حقك”
في حلقتنا الرابعة من بودكاست حقاني في موسمه الرابع، حنهدرزوا مع نورا وضيفتنا تزيري العمراني. تزيري ناشطة نسوية وحقوقية، صحفية، وأول مراسلة تلفزونية في مدينة مصراتة. تزيري لها دور كبير في مساعدة النشطاء الي يتم اتهامهم بتهم كاذبة ويواجهوا في قضايا تلفيق. حتحكيلنا على المشاكل الي واجهتهن شخصيا وممكن تواجههن اي بنت ليبية تختار النشاط السياسي، الصحفي أو الحقوقي.
تزيري واجهت اشكال هلبا من العنف، من الطفولة لليوم وعانت ولا زالت تعاني من العنف الإلكتروني من قبل حتى ما تكون ناشطة. وتعرضت لحملات تخوين وتمييز وتحرش وكراهية ووصلت حتى لأتهامها بالإلحاد.. كل الحاجات هذين أثرن على عملها ونفسيتها.
وبالرغم من كل العنف والحملات تزيري ماوقفتش ومزال مستمرة و تحاول تساعد الناس الي يمروا بنفس التجارب والناس الي أُخفو قسرياً. حتحكيلنا تزيري على تفاصيل خاصة على تجربتها وشعورها واللي مخليها تستمر..
غير هكي، الحلقة حتتناول سُبل مكافحة العنف الالكتروني، سواء من شركات التواصل، أو من منظمات معنية بالخصوص أو حتى جهود شخصية لردع المتحرشين!
حلقة اليوم خاصة ومهمة وتتناول مواضيع حساسة نساء واجد يمروا بيهن بدون مايحكوا ويشاركوهن.
لو عجباتك, شاركها وخلي تقييم على المنصة الي تسمع فينا منها وخليك قريب عشان تسمع باقي حلقاتنا!
حقاني من انتاج منظمة محامون من أجل العدالة في ليبيا وتقدر اتابعنا على كل الصفحات المرفقة:
الفيسبوك LibyanJustice
إنستغرام LibyanJustice