Haqani
"حقاني" رحلة عدالة مستمرة، حقاني هي منصة للناس تحكي فيها قصصها الحقيقية، قصص ملهمة و مثابرة تُبين كيف اجتازت الناس التحديات في وجه الانتهاكات الجسيمة لحقوق الانسان في ليبيا. هنسمعوا فيها قصص حقيقية بأصوات اصحابها الحقيقيين. في كل موسم هناقشوا قصة مختلفة و انتهاكات مختلفة. وفي كل موسم من هذا البودكاست قصة ملهمة في مقاومة القمع وتحقيق العدالة المرجوة.
Meaning both “truthful” and “just,” Haqani looks at injustice in Libya through the prism of real stories told by the people who lived them. Haqani is a space for those who have triumphed over oppression to speak about their experiences. Each season will shed light on a new story as we discuss the law and how to pursue justice and accountability.
Haqani
05: "الأزمة ديما تجي معاها فرص"
وصلنا الحلقة الخامسة والأخيرة لموسمنا الرابع من بودكاست حقاني، كان موسم مليان قصص وتجارب، حكينا فيه مع نساء ملهمات قويات، حكولنا على قصصهم وتجاربهم المختلفة باختلاف أعمارهم، خلفياتهم وأعمالهم، وبالرغم من الاختلاف هذا كل وحدة فيهن واجهت نوع من أنواع العنف والتحديات والهمتنا بشجاعتها.
اليوم حنركزو على سبل التغيير، وكيف ممكن نخلو واقع النساء في ليبيا أحسن، لنا وللجيل الي بعدنا.
ضيفتنا في حلقة اليوم هي إلهام السعودي، مديرة منظمة محامون من أجل العدالة في ليبيا، أم, ناشطة، محامية، وإنسانة مرت بتحديات اي مرأة في المجال مرت بيهم. وممكن أكثر. حتحكيلنا إلهام على الدافع الي يخليها تستمر رغم الصعوبات والتحديات الصعبة الي واجهتهن.
حلقتنا هذي حتركز على الحاضر والأهم; الي جاي. تعالو معانا في أخر محطة من موسمنا.
لو عجباتك الحلقة شاركها مع اصحابك/صحباتك وخليلنا تقييم على المنصة الي تسمع فينا منها!
الفيسبوك LibyanJustice
إنستغرام LibyanJustice